KOMUNIKADO DI PRENSA

537/2024

29 desèmber 2024

Kaso di hinkamentu

Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHÁ
Djasabra 28 di desember 2024 alrededor di 18.00’or, Sentral di Polis a dirigí un unidat
polisial na Monteverde pa un kaso di hinkamentu.
Na yegada di e unidat a bin topa ku dos ruman hòmber ámbos tabatin heridanan di hinká.
For di investigashon a sali na kla ku un diskushon entre e dos rumannan aki a resultá den un
bringamentu kaminda ámbos a hinka otro ku un opheto skèrpi.
Polis a detene e hòmbernan, R.M.F. di 70 aña di edat i C.B.F di 67 aña di edat ámbos nasé
na Kòrsou, relashoná ku maltrato ku arma i a transportá nan pa Sala di Emergensia di
C.M.C. pa tratamentu médiko.
Despues di tratamentu médiko a presentá e sospechosonan dilanti di un fiskal ouksiliar ku a
ordená nan enkarselamentu pendiente di mas investigashon.

Klik aki pa bo risibi tur notisia di polis:
https://chat.whatsapp.com/CZGJcPwGhNh0C1QfNRloCp