KUERPO POLISIAL KÒRSOU 

KOMUNIKADO DI PRENSA

109/2026

6 aprel 2026 

Aksidente di tráfiko ku morto 

Djadumingo 5 di aprel 2026 alrededor di 19.34’or, Sentral di Polis a risibí 

notifikaskon ku tin un aksidente di tráfiko entre un outo di famia i un motorsaikel. E aksidente aki a tuma lugá na Klein Sta. Martha i tabatin un persona gravemente  heridá. 

Mesora a dirigí un unidat di warda di polis Barber na e sítio.  

Na yegada di e unidat, el a topa ku un hòmber shofùr di un motorsaikel ku tabata drumí abou den un plas di sanger. 

Ambulans a yega rápido na e sitio pero no por a hasi nada mas pa e víktima. Dòkter di polis na e sitio a konstatá morto di e hòmber Edison Mariano Rijna nasé na Kòrsou dia 16 di yüni 1986. 

E víktima a fayesé na e sítio a konsekuensia di herídanan ku el a sufri durante di e  aksidente. 

Riba òrdu di fiskal di Ministerio públiko a konfiská e kurpa pa mas investigashon. Personal di Departamento di Tráfiko ta enkargá ku e investigashon.