KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

NOS MESTER TA SOLIDARIO KU ESNAN MAS VULNERABEL

 

 

NOS MESTER TA SOLIDARIO KU ESNAN MAS VULNERABEL

Minister di Finansa a tuma nota di e komentario di Angelo Virginie na radio Hoyer
tokante bashi premie pa penshonado di APC.
Riba petishon di minister Silvania konseho di minister ku sosten di partido KEM, Zita
Leito i Corinne Genaro a bai di akuerdo pa duna bashi premie di fl 350 na tur
penshonado inkluso penshonado di APC, viuda i huerfano ku tin un entrada total no
mas ku fl 1.100 pa luna.
Gobiernu a usa entradanan extra ku e a risibi ku no tabata presupuesta pa duna bek na
por ehempel esnan mas vulnerabel den nos komunidad manera nos grandinan, hende
gehandicapt i muchanan den internat i kas di kuido. Nos mester ta solidario ku esnan ku
tin menos ku nos.
Riba e ponensianan di Angelo Virginie minister Silvania ta reakshona:
1- No ta berdat ku ta danki na e primanan ku e penshonadonan aktual a paga antes ta
kubriendo e AOV i penshun di viuda i werfano di awe en dia. Pasobra nos konose un
omslagstelsel, kual ta nifika ku e prima ku ta wordu paga AWE (door di trahadonan di
entre 15-65 aña) ta wordu husa pa kubri e AOV di AWE. E fondonan pa paga bashi
premie na penshonado, viuda i huerfano a sali for di presupuesto di SOAW ku
parlamento a aproba.
2-Raad van Ministers no solamente a disidi ku lo bai tin Bashi premie, pero tambe a
disidi ku mester kuminsa ku e proseso pa kambia lei pa asina subi e AOV pa tur hende.
Esaki lo sirbi pa drecha e situashon ekonomiko di tur penshonado, viuda i huerfano.
3- tin un konsepto di lei ku minister Silvania huntu ku APC a traha ku ta den su fase final
pa asina e penshun di e penshonadonan di APC por wordu indexa sin mester tene
kuenta ku e echo ku un ambtenaar a wordu indexa si of no (lo kita e asina yama
tweetrapsraket). Esaki lo hasi posibel ku e penshun di APC por wordu indexa mas lihe
ku aktualmente (pasobra mester tene kuenta solamente ku e dekkingsgraad di APC).
4- Tambe lo duna APC mas flexibilidat di moda ku nan por logra un dekkingsgraad mas
haltu pa medio di hasi invershon den produktonan di invershon mas moderno (na luga
di keda inverti den produktonan bieu manera e lei aktual ta preskibi).
Es desir ku los di e eenmalige Bashi premie, kual ta wordu duna pa suavisa e situashon
di esnan ku un entrada te fl 1.100 pa luna gobiernu ta enkaminando e pasonan
nesesario pa:
A- subi e AOV struktural;
B- logra indexering di penshun di APC mas fasil/lihe
C- subi e posibilidat pa APC logra un dekkingsgraad muchu mas haltu.
Tur esaki ta na benefisio di tur penshonado.
Banda di esaki gobiernu a presupuesta 8 mion den 2025 pa subi onderstand i subi e
toelage di fl 169 pa luna ku SOAW ta paga penshonado ku ta kobra AOV so. Kabinete
Pisas 2 lo anunsia pronto e aumento aki.
Belastingdienst a manda pa SVB un lista di tur persona ku tin un entrada te ku 1.100 pa
luna. E personanan aki lo risibi automatikamente e bashi premie 10 yanuari.

639114718427035"
639114718427035"