Relato di Kasonan di Emergensia na CMC durante Fin di Aña

 

WILLEMSTAD, 2 di yanüari 2025  – Durante dianan di fiesta (entre 24 di desèmber 2024 i 1 di yanüari 2025) departamentu di Emergensia na Curaçao Medical Center (CMC) a registrá 42 kaso di urgensia. Ta trata di kasonan di aksidente di tráfiko, vürwèrk, hinkamentu/tiramentu i tambe maltrato di kual 11 a keda interná. No tabatin ningun kaso fatal.

Pa lokual ta trata kasonan di kemadura, departamentu di Emergensia a registrá 12 kaso relatá na vürwèrk i 1 aksidente di kemadura no relatá na vürwèrk. Di esnan aki, 4 persona a keda interná.

Mas aleu CMC a registrá 23 aksidente di tráfiko di kual 8 persona a keda interná.
Alabes a registrá dos kaso di hinkamentu/tiroteo i kuater di maltrato físiko.