Minister Shalten Hato {VEHIKULO PA REGISOR DI BARIO i IMIGRASHON}

Djamars 7 di Yanüari 2025, un total di 5 agente polisial a risibí nan dekreto gubernamental pa bira Regisor di Bario, unda nan ta djòin e tim di polisnan den bario pa duna asistensia den diferente rayòn rònt Kòrsou. Ademas mi a entregá 5 vehikulo nobo, lèptòp, telefòn, i mas material pa nan por kumplí ku e tarea di regisor di bario.

Tambe tres “teamleider” nobo pa fortifiká e tim di Imigrashon na Kuerpo Polisial a risibí nan dekreto gubernamental. Mi kier a felisitá sra. Eugenia, sra. Apostel i sr. Mingeli ku boso funshon nobo i éksito pa siguí guia e demas koleganan den e departamentu. Ban pe!