KUERPO POLISIAL KÒRSOU

KOMUNIKADO DI PRENSA

10 yanüari 2025

Detenshon relashoná ku atrako

011/2025

Kontinuando ku investigashon den un kaso di atrako ku a tuma lugá dia 29 di desèmber
2024, den área di Roodeweg, Tim di Aresto a hasi un dos detenshon.
Djabièrnè 10 di yanüari 2025 alrededor di 05.05’or, Tim di Aresto a detené e hòmber I.J.M.
22 aña di edat nasé na Kòrsou, na un kas den Sumatrastraat pa e kaso ariba menshoná.
Despues di e detenshon Tim di Atrako a tene un entrada hudisial.
Durante di e entrada hudisial e tim a haña i konfiská artíkulonan ku ta di importansia pa e
investigashon i a hasi un detenshon mas di un dama Y.A.S.S. 23 aña di edat nasé na
Repúblika Dominikana.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.