Kranshi, Reibeweis i Lokèt di Komunidat ta habri 10 or di mainta dia 3 di febrüari 2025

Willemstad –    Ministerio di Maneho di Gobernashon, Planifikashon i Servisio Públiko ta informá ku relashoná ku trabounan interno Asuntunan Públiko (Kranshi ku Reibeweis) i Lokèt di Komunidat (Sambil) lo habri 10 or di mainta djaluna, 3 di febrüari benidero.

Personal di bali di Kranshi, Reibeweis i Lokèt di Komunidat ta duna sosten na Konseho Supremo Elektoral dianan 1 i 2 di februari na e Pre-Elekshon 2025. Esaki ta trese kuné ku e siguiente dia mester reanundá e trabounan bèk manera kustumbrá i esaki lo por tin tardansa. Pa e motibu aki a opta pa e orario adaptá esta di habri 10 or di mainta. Orario di klousura e dia aki ta 3 or di atardi pa tur 3 departamento.

Ministerio di Maneho di Gobernashon, Planifikashon i Servisio Públiko ta spera ku esaki no ta trese inkumbiniensia i ta keda konta ku komprenshon di nos pueblo den esaki.

Pa mas informashon tuma kontakto ku Lokèt di Pèrmit, Departamento Bentana di Informashon, na tel.: 433-3123.