Turista ta hoga na Playa Lagun

KUERPO POLISIAL KÒRSOU
KOMUNIKADO DI PRENSA
26 yanüari 2025
Turista ta hoga na Playa Lagun
031/2025
Djasabra 25 di yanüari 2025 alrededor di 12.11’or, Sentral di Polis a dirigí unidat di Barber
pa Playa Lagun, pa un turista ku a hoga.
For di investigashon preliminar a sali na kla ku un dama turista a bai sambuyá na e playa
ariba menshoná i na dado momentu personanan ku tabata na e playa, a nota ku e dama
tabata drif den laman.
E víktima a wòrdu tresé na kantu i inmediatamente a kuminsá ku reanimashon.
Personal di ambulans ku despues a presentá na e sítio, a kontinuá ku e reanimashon, pero
lamentablemente sin resultado satisfaktorio.
Dòkter di polis a konstatá morto di e dama Sarah Helen Bornhijn nasé na USA dia 30 di
òktober 1946.
