KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Kampaña ‘No Riba nos Isla’ a terminá eksitosamente ku bon resultadonan / No Riba nos Isla-campagne succesvol afgerond met indrukwekkende resultaten

Hustisia

 

Kampaña ‘No Riba nos Isla’ a terminá eksitosamente ku bon resultadonan

Publiká riba 29 Yanüari 2025

Willemstad, 29 di yanüari 2025 – E kampaña di konsientisashon ‘No Riba nos Isla’ a keda kompletá ku hopi éksito. E kampaña, ku na Kòrsou a wòrdu kreá bou di kordinashon di Actiecentrum Ondermijning Curacao (ACOC), a alkansá un publiko grandi i ta un paso importante den e lucha kontra kriminalidat ku ta debilitá nos sosiedat

A realisá e kampaña pa medio di un kolaborashon entre e Ministerionan di Hustisia di Kòrsou, Aruba i Sint Maarten i tabata tin komo meta pa krea konsientisashon riba e konsekuensianan di krímen ku ta debilitá nos komunidat. Resultadonan impreshonante a ser alkansá durante kuater siman, alkansando mas ku 113.000 hende. Ku un total di 3.5 mion anunsio mustrá i 7.613 klik riba e wèpsait di e kampaña (www.notonourisland.com), e ta mustra ku e tópiko tin interes den nos komunidat. Ademas, e kampaña a resultá den 4.122 klek na e kùes interaktivo, ku a duna partisipantenan e oportunidat pa siña mas tokante minamentu i su impakto.

E anunsionan a wòrdu distribuí riba plataformanan popular manera Facebook, Instagram, LinkedIn i YouTube, i tabata disponibel tantu na ingles komo na Papiamentu, pa alkansá e públiko mas amplio posibel. Pa e kampaña a usa vários hèrmènt di komunikashon, inkluyendo videonan largu i kòrtiku, anunsionan di karusel i un kùes online, ku a distribuí e mensahe na un manera interaktivo.

“E kampaña akí ta un logro importante den nos esfuersonan pa hasi nos komunidatnan mas fuerte i mas sigur,” segun kordinadó di ACOC, sra. Thyrza Girigorie. ACOC, ku ta resortá bou di Ministerio di Hustisia, ta enfoká riba un aserkamentu integral i atministrativo di krímen ku ta destabilisá na Kòrsou. E kampaña ‘No Riba Nos Isla’ ta un parti importante di e aserkamentu akí.

639114718427035"
639114718427035"