Karnèt pa outo pa marchanan di Karnaval

KOMUNIKADO DI PRENSA 047/2025
5 febrüari 2025
Karnèt pa outo pa marchanan di Karnaval
Departamentu di Komunikashon i Prevenshon
KUERPO POLISIAL KÒRSOU
SIRBI I PROTEHÁ
For di djaweps 6 di febrüari 2025 te i ku 18 di febrüari 2025, por pasa tuma karnèt di outo
na warda di polis na Otrobanda entre 08.00’or pa 20.00’or.
E karnèt aki ta solamente pa trahadonan di kompanianan/instansianan ku ta traha riba e
fecha(nan) i orario(nan) di e marchanan di Karnaval, i tambe habitantenan ku ta biba den e
área di e ruta di Karnaval, ku lo wòrdu será pa tráfiko durante di e marchanan.
E proseso pa kompania/instansia ta lo siguiente:
Un representante di e kompania/instansia ta tuma un (1) formulario na warda di
polis na Otrobanda;
E ta kopia e kantidat di formulario konforme e kantidat di trahadó ku ta disponé di
un vehíkulo i ku mester subi trabou of bandoná esaki durante di e orario ku kaya lo
ta será pa motibu di e marcha;
Despues ku e trahadonan yena e formulario, e ta entregá esaki bèk na e
representante di e kompania di e kompania/instansia pa esaki pone stèmpel di e
kompania riba e formularionan i entregá esaki bèk na warda di polis na Otrobanda;
Despues di 3 dia ku a entregá e formularionan korekto i kompletu na polis, por pasa
tuma e karnèt firma i di stèmpel na warda di polis na Otrobanda.
E proseso pa habitantenan ku ta biba paden di e area ku ta wòrdu será pa marchanan:
E habitante ta tuma formulario na warda di polis na Otrobanda;
Despues di yena e formulario, e habitante ta entregá esaki bèk na warda di polis na
Otrobanda;
Dia di entrega e formulario mester bini ku un komprobante (banko, Aqualectra,
Selikor, Flow ets) pa konfirmá ku e habitante ta biba na e adrès ei;
Nòmber i datonan riba e formulario mester kuadra ku e komprobante;
Despues di 3 dia ku a entregá e formulario korekto i kompletu na polis, por pasa
tuma e karnèt firmá i ku stèmpel na warda di polis na Otrobanda.
Departamentu di Komunikashon i Prevenshon
Página 2
SIRBI I PROTEHÁ
Otro persona tambe por entregá e formulario pa su famia of konosí, basta ku e
datonan ta kuadra ku e komprobante.
Kuerpo Polisial su meta ta, pa evitá sirkulashon di tráfiko mas tantu posibel na momentu ku
kayanan wòrdu será pa tráfiko.
P’esei e petishon ta bai na tantu kompanianan/instansianan i habitantenan, pa hasi e
petishon pa karnèt aki únikamente si e nesesidat ta eksistí.
Nos ta konta riba e koperashon di semper di komunidat i ta spera for di awor ku tur
siudadano lo disfrutá sanamente di e marchanan di Karnaval.
