Detenshon relashoná ku trafikashon di hende

KUERPO POLISIAL KÒRSOU
KOMUNIKADO DI PRENSA
5 febrüari 2025
Detenshon relashoná ku trafikashon di hende
048/2025
Djamars 4 di febrüari 2025, personal di Divishon di Krímen Organisá a tene dos entrada
hudisial na un kas den área di Brievengat i na un snèk riba F.D. Rooseveltweg.
E investigashon aki ta den kuadro di un investigashon penal di trafikashon i eksportashon di
hende.
Durante di e entrada hudisial na Brievengat i na F.D. Rooseveltweg a haña i konfiská varios
artíkulonan ku ta di importansia pa e investigashon.
Na e adrès den Brievengat a detené e hòmber L.L. di 59 aña di edat nasé na Kòrsou i un
dama M.F. di 47 aña di edat nasé na Repúblika Dominikana.
For di investigashon preliminar ku polis a hasi na e sitio a sali na kla ku e dama M.F. su
dokumentunan no tabata na òrdu i ta permanesé ilegal riba nos Isla.
A presentá e sospechosonan dilanti di un fiskal ouksiliar ku a ordená enkarselamentu di L.L.
pendiente di mas investigashon.
E dama M.F. a keda será pendiente di su deportashon.
