Gradisimentu i Afirmashon di Thallysa Jano

 

 

Bontardi Kòrsou,

Awe djasabra 8 di febrüari 2025 mi por gradisí i reflehá riba #festivalditumba53

Na promé lugá mi ke yama Tata Gran danki pa a dirigí e proseso (manera mi tumba ta bisa) for di preparashonnan pa nos festival te na e anochi final!

Den mi 5 añanan partisipando, promé bes ku mi a kai den tòp 10! Ami ta sumamente orguyoso di mi logro. Tiki tiki mi ta yega mas serka.

Siguiente pèrsonanan ku mi mesterrr gradisí ta El Maestro Axel Pikero i Janis Vinck. Laga’mi kuminsá ku Axel. Axel, danki pa a konfia’mi pa di 4 bes ku un tumba riba un nivel ekstraordinario. Danki pa a yuda’mi krese komo kantante i intérprete di tumba. Bo ta master! Mi ta sumamente orguyoso di ‘Kitara Ban!’. Un tumba ku melódikamente ta ‘out of this world’ i ku letranan inspirativo espesialmente pa mi mes. Lo mi keda manifestá ku pronto lo mi tambe por bisti e korona/sali den tòp 5. DANKI!

Na Janis, danki pa tabata habrí pa e krea mi trahenan e aña aki sin pensa dos bia. Un pèrsona amabel i super kreativo. Danki pa a hinka tempu pa den mi presentashon, apesar ku Janis lo tin hopiii pa kaba di atendé pa ku karnaval. DANKI!

Next up, many thanks na Leyozjandro Clemencia i mi bailarinanan ku a hasi un súper trabou! Masha danki pa boso aporte na mi presentashon.

Let’s Go Icons! Danki pa a tuma’mi brasa habrí i pa a biba i toka mi tumba manera untin mañan! Koro di orooooo tambeee, na nivel as always! Thanks guysss.

Danki na mi partner Deyon Martina pa a soportá tur e ensayonan i ku semper ta support mi no matter what! I love youuuu.

Danki na mi mama Sulaima Gomes i mi tata Irving Jano ku semper t’ei pa apoyá’mi.

Danki tambe na turrr ku a apoyá’mi i a duna’mi palabranan di enkurashamentu for di Djamars ku mi a presente.

Pabiennn na nos Reina Jefdaney Manuela Jefdaney ” J’Dey.M ” Manuela !!!! Tremendo presentashon. Pronto nos lo topa riba esenario atrobe.

Un pabien tambe ta bai na tur sobrá finalistanan!

Si bo tin un soño, sera wowo anto…
B’a visualis’é? B’a afirm’é? Mand’é, mand’é!
Ku fé, tir’é! Lo bo keda boka habrí ora e bendishonnan bin.

Pronto lo mi yega. Mi ta afirm’é.

Fuente di e artikulo aki:

https://www.facebook.com/share/1FEU1qnDRn/?mibextid=wwXIfr