KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Inspekshon di prekario riba ruta di Karnaval

Ministerio di Tráfiko, Transporte i Planifikashon Urbano

Inspekshon di prekario riba ruta di Karnaval

WILLEMSTAD – Tim di Prekario ta rekòrda tur persona ku tin pèrmit riba un kondishon importante. E pèrmit mester ta disponibel semper pa representantenan di Tim di Prekario. Esaki durante henter e periodo di Karnaval.

Tim di prekario ta konsisti di diferente inspektor uniformá, i nan funshon ta pa kontrolá si tur persona ta pará na nan number di kavel, i konformé e 4 puntanan di e kavel, kual ta mará na e kantidat di meter ku nan a paga pe.

Na momentu ku esaki no ta kuadra, mester sigui instrukshon tokante entre otro kon pa ahustá pa por kumpli ku e pèrmit. Den kaso ku un persona no sigui instrukshon di e inspektor, òf no kumpli ku e kondishonnan den e pèrmit lo pasa e kaso den man di Projectteam Toezicht en Handhaving (PTH) di VVRP.

Tambe ta hasi un apelashon na tur outomobilista ku ta kore riba e ruta, pa baha velosidat i kore ku mas koutela. Esaki mirando ku tin persona ta move den e área.

Tim di Prekario ta traha huntu ku e instansianan kompetente pa kontrolá si e reglamentunan ta wòrdú respetá.
639114718427035"
639114718427035"