CTB i sektor privá a presentá Kòrsou su mihó sitionan pa sambuyá durante ferianan di buseo na Alemania i Hulanda / CTB and Private Sector Partners Showcase Curaçao’s Popular Diving Spots at Fairs in Germany and the Netherlands
CTB i sektor privá a presentá Kòrsou su mihó sitionan pa sambuyá durante ferianan di buseo na Alemania i Hulanda
WILLEMSTAD – 11 di febrüari 2025 – Resientemente Ofisina di Turismo di Kòrsou (CTB) huntu ku partnernan di sektor privá a partisipá na dos feria di buseo internashonal. Primeramente CTB huntu ku 4 partner a partisipá na boot Düsseldorf 2025. Ta trata aki di e feria internashonal di deportenan akuátiko di mas grandi, ku ta tuma lugá anualmente na Alemania. Seguidamente CTB huntu ku 5 partner a partisipá na Duikvaker na Hulanda. Meta di Kòrsou su partisipashon tabata pa presentá nos isla komo e destinashon ku e mihó sitionan pa sambuyá i asina konvensé e bishitantenan na e ferianan pa skohe Kòrsou pa nan próksimo vakashon.
Boot Düsseldorf 2025 a konta ku partisipashon di riba 200 mil bishitante for di 113 pais. E tim di Kòrsou tabatin un stènt den e ‘Diving hall’ kaminda tur bishitante di e feria por a pasa pa haña informashon di Kòrsou su sitionan di mas popular pa sambuyá. Ademas, riba e Dive stage CTB huntu ku partnernan di sektor privá a duna 3 entrevista i riba e Destination Seaside stage, 3 presentashon. Riba e último dia a organisá un Cocktail Happy Hour kombiná ku un domino challenge pa pone atenshon riba e echo ku Kòrsou a kibra e rèkòrt mundial di Guinness den e kategoria di hunga dominó bou di awa.
E feria Duikvaker a tuma lugá na Hulanda i a konta ku stèntnan di informashon di sitionan pa sambuyá i tambe ekiponan pa praktiká buseo i snòrkel. E aña aki un total di 9500 bishitante a partisipá na e feria. Durante e feria e tim di Kòrsou a sa di presentá e sitionan pa sambuyá di mas popular na Kòrsou.
CTB ta gradisí partnernan di sektor privá ku e aña aki a forma parti di e tim di Kòrsou durante Boot Düsseldorf 2025; Sun Reef Village on Sea, Rancho El Sobrino, Dive Division i Curaçao Divers. Na e feria di Duikvaker, CTB a keda kompaña pa; Dive Division, CURious 2 Dive, Dive Center Pietermaai, Soul Divers i Sun Reef Village and Diving.
CTB and Private Sector Partners Showcase Curaçao’s Popular Diving Spots at Fairs in Germany and the Netherlands
WILLEMSTAD- February 11, 2025 – Recently, Curaçao Tourist Board (CTB) together with private sector partners, participated in two international diving fairs. First, CTB, along with four partners, took part in boot Düsseldorf 2025, the largest international fair for watersports, which takes place annually in Germany. Next, CTB together with five partners, participated at Duikvaker in the Netherlands. The goal of Curaçao’s participation was to present our island as the destination with the best diving spots and to encourage visitors at the fairs to choose Curaçao for their next vacation.
Boot Düsseldorf 2025 welcomed over 200,000 visitors from 113 countries. The Curaçao team had a booth in the diving hall where all fair visitors could stop by to get information about Curaçao’s popular diving spots. Additionally, on the Dive stage, CTB together with private sector partners, gave 3 interviews, and on the Destination Seaside stage, they delivered 3 presentations. On the final day, the team hosted a Cocktail Happy Hour combined with a fun domino challenge for consumers to draw attention to the fact that Curaçao broke the Guinness World Record for underwater domino.
The Duikvaker fair took place in the Netherlands and featured information about diving spots as well as equipment for diving and snorkeling. This year, a total of 9,500 visitors attended the fair. During the event, the Curaçao team successfully showcased the most popular diving spots in Curaçao.
CTB would like to thank the private sector partners who were part of the Curaçao team this year during boot Düsseldorf 2025: Sun Reef Village on Sea, Rancho El Sobrino, Dive Division and Curaçao Divers. At the Duikvaker fair, CTB was accompanied by Dive Division, CURious 2 Dive, Dive Center Pietermaai, Soul Divers as well as Sun Reef Village and Diving.