MAN-PIN ta pidi klemensia pa SEHOS!
MAN-PIN ta pidi klemensia pa SEHOS!
A eksonerá debe fiskal di kachó ku pushi, pero SEHOS t’e palu delegá
Willemstad, Kòrsou – St. Elisabeth Hospitaal, kaminda for di 1855 tur yu di Kòrsou a bai tuma kuido, awe ta pará den skuridat manera un yu sin mama mei mei di Otrobanda. Tin un masterplan faktibel pa hasi e kompleho un motor pa nos sentro di siudat, pero gobièrnu tin e desaroyo paralisá pa un debe bieu di impuesto. MANPIN ta pidi klemensia pa SEHOS ku a karga ku salú di nos pueblo pa 160 aña.
Lei di trèktu
Ainda den gobièrnu ku MAN na 2019-2020, Partido PIN a kuminsá e trayekto pa atendé ku e situashon di claim i kontra-claim entre gobièrnu, SVB i SEHOS. A konsiderá ku un uso nobo dje kompleho di SEHOS lo nifiká un bida nobo pa Otrobanda i sentro di siudat. Pesei ta duele ku awe SEHOS i gobièrnu, segun e último informashonnan, ta den clinch ku otro pa motibu di debe.
E ta duele pasó:
- kon por ta ku ke kobra SEHOS debe bieu di impuesto siendo ku a eksonerá 3 mil mion na debe di impuesto di hende ku a no a hasi ni 1% di loke SEHOS a hasi pa Kòrsou?
- kon por ta ku ainda no a paga SEHOS su gastu di standby durante COVID?
- kon por ta ku Pisas II ta laga SEHOS pa su kuenta, pero tabata kla pa negosiá ku Ansary si?
- kon por ta ku apesar ku te awe e zorgbudget pa hospitalnan ta bou di nivel, ke laga SEHOS paga pe echo ku e la keda kuida nos apesar di tur kos?
- kon por ta ku, apesar dje nesesidat pa pone mas kandela tras di renobashon di nos sentro di siudat, tòg Pisas II no ta tuma niun inisiativa pa resolvé e asuntu SEHOS?
Klemensia
Giselle McWIlliam, lider dje lista MANPIN ta di enfermeria i sra. Camelia-Römer te awe ta gradesido pa SEHOS su asistensia durante COVID. Pesei MANPIN ta pidi klemensia pa SEHOS, i ta urgi gobièrnu pa hasi loke ta bon, tuma inisiativa i probechá e oportunidat aki pa fasilitá transformashon dje kompleho di SEHOS den un motor pa revitalisá Otrobanda i nos sentro di siudat.
Kandidato no. 5 riba lista MAN-PIN, Kenneth Martis

