KUERPO POLISIAL KÒRSOU

KOMUNIKADO DI PRENSA

14 febrüari 2025

Detenshon den kaso di maltrato

061/2025

Relashoná ku un kaso ku último simannan a bai viral i ku a sòru pa basta repudio den
komunidat kaminda un hóben di skol a bringa ku un un otro i maltratá esaki, polis a hasi un
detenshon.
Djabièrnè 14 di febrüari 2025 alrededor di 12.50’or, riba òrdu di fiskal di Ministerio Públiko,
polis a detené e hóben maskulino L.R.V. di 16 aña di edat nasé na Kòrsou pa e kaso di
maltrato ariba menshoná.
A presentá e sospechoso dilanti di un fiskal ouksiliar pa despues e sigui un trayekto spesial
bou di supervishon i ku yudansa di e instansianan konserní.
Kuerpo Polisial ke hasi un yamada na prinsipalmente hóbennan den e kaso aki, pa no
solushoná problema pa medio di violensia.
Esaki por tin konsekuensianan desbentahoso pa bo den futuro i lo no kontribuí na
aspirashonnan ku bo por tin den bida.
Alabes nos ke hasi un petishon na esnan ku ta presensiá e tipo di agreshonnan aki, pa no
filma e esenanan aki i menos sigui distribuí nan.
Hustisia lo atendé di un manera serio tur e kasonan aki ku ta violashonnan kontra nos lei
penal i ta spera ku grandi i chikí lo komportá su mes manera ta spera di un bon siudadano
di nos pais.