7 empleado di SDKK ta selebrá 30 i 35 aña di servisio

Willemstad – resientemente shete empleado di SDKK a rekordá i selebrá e echo ku 30 i 35 aña pasa nan a drenta servisio di gobièrnu na prizòn. Ta trata di sr. Rufo Maduro i sr. Alvin Soliana ku a selebrá 30 aña di servisio i tambe sr. Gregory Wilson, sr. Gerald Mathilda, sr. Elvis Louisa, sr. Rudley Ortela i sr. Raymond Amerikaan ku kada un a selebrá 35 aña di servisio.

Na okashon aki direktor suplente sr. Anthony Hasselmeijer i demas miembronan di tim di maneho di prizòn a hiba palabra i tambe tabatin oportunidat pa tur e hubilarionan presente konta nan ekperensia durante nan karerá laboral na prizòn.

Tur e hubilarionan a risibí nan pin di 30 i 35 aña di servisio i un sertifikadó di rekonosementu pa nan labor prestá.

Gerensia i personal di SDKK ta deseá e shete koleganan di prizòn tur klase di éksito i ku nan sigui hasi e bon trabou.