Trabou pa Kòrsou tin su sede orgániko, na rotonde palu blanku
Trabou pa Kòrsou tin su sede orgániko
Na rotonde palu blanku
Lider di Kampaña Sekretaria i Kolaborado di Trabou Pa Kòrsou, sra. Abigaïl Mahalja Boelijn,
ta hopi kontentu ku apertura di Trabou pa Kòrsou su sede orgániko na palu blanku.
Ku orguyo i determinashon Trabou Pa Kòrsou ta poné fundeshi pa un futuro sólido pa Kòrsou. Nos di Trabou pa Kòrsou ta invitá boso awe tardi, djawebs 20 di febrüari 2025 (3:30 PM), pa un enkuentro na nos sede orgániko na Rotonde Palu Blanku.
Den medio di e spiritu karnavalesko i riba ruta di karnaval, ku e vibra di kampaña pa elekshonan di 21 di mart 2025, nos ta introdusí nos sede di mésun manera ku moveshon fuerte i dediká pa un Kòrsou ku mas trabòu, stabilidat i oportunidat pa tur siudadano di nos país.
Prensa i medionan lokal, bo presensia ta fundamental pa buta atenshon riba e ruta di nos liña di historia. Nos ke dialogá ku boso i ku pueblo, pa mustra kiko “Trabou pa Kòrsou” tin pa ofresé generashonnan lantado, i mayornan ku tin ku guia nos hubentut i duna e bon ehèmpel.
Bini awe i tuma parti den e desaroyonan di ún moveshon ku ta trahá hopi mas ku palabra so! “Trabou pa Kòrsou” pa ún futuro orgániko mas sigur i próspero.
Ta e kos nan básiko nos ke hasi pa bo, pueblo.
Sekretaria i kolaborador di partido polítiko Trabou Pa Kòrsou TPK, Señora Abigaïl Mahalja Boelijn
