KUERPO POLISIAL KÒRSOU

KOMUNIKADO DI PRENSA

23 febrüari 2025

Homber ilegal detené

069/2025

Djasabra 22 di febrüari 2025 alrededor di 19.33’or, un unidat di U.S.T. ku tabata patruyando
riba Jan Noorduynweg a sinti un holó fuerte di mariwana.
Mesora el a subi e lugá di stashoná outo di un supermarket i a bin topa un hòmber di
nashonalidat Hamaikino sintá den su outo ta huma mariwana.
For di investigashon mas leu ku e unidat a realisá, a resultá ku e hòmber aki ta kedando
ilegal riba nos isla.
E unidat a detené e hòmber aki inmediatamente pa violashon di e Lei di Atmishon i
Ekspulshon mientras ku a konfiská e vehíkulo di kua su dokumentunan no tabata na òrdu.
A presentá e sospechoso dilanti di un fiskal ouksiliar ku a ordená pa e wòrdu será pendiente
di su deportashon.