Tim di Prekario ta trahando riba optimalisashon di proseso di prekario Karnaval

Ministerio di Tráfiko, Transporte i Planifikashon Urbano
Tim di Prekario ta trahando riba optimalisashon di proseso di prekario Karnaval
Willemstad – Tim di Prekario, komo parti di Servisio pa Planifikashon Urbano (ROP), ta trahando riba optimalisashon di e proseso interno di prekario pa loke ta ruta di Karnaval. E trayekto aki ta enfoká pa hasi e proseso mas klá i mas efisiente, tantu pa klientenan komo pa e instansia envolví den e proseso.
Durante e período di optimalisashon aki, por a sosodé ku ta surgí disputa tokante entre otro kavel òf petishon. Tim di Prekario ta rekonosé ku e kambionan aki por a kousa mal-entendementu i molèster, i ta pidi su diskulpa pa esaki. Tim di Prekario ta balorá ‘feedback’ di públiko, i lo tuma esaki sigur na konsiderashon pa sigui mehorá e proseduranan.
Tim di Prekario ta kontinuá su esfuersonan pa garantisá un proseso di prekario hustu i strukturá, ku ta klá i akesibel pa tur hende.
Nos ta pidi komprenshon i kolaborashon durante e trayekto di mehorashon aki, i ta invitá tur kliente ku tin pregunta òf komentario pa dirigí esakinan via e kanalnan ofisial.
639114718427035"
639114718427035"