“Rin Tin Tin ki’ bo ta hasi ku bo florin”: Tur kumpradó di brièchi ta sostené Karnaval ku 1 florin for di kada pida brièchi kumprá

𝗥𝗶𝗻 𝘁𝗶𝗻 𝘁𝗶𝗻! 𝗡𝗼𝘀 𝘁𝗶𝗻 𝗲 𝘀𝗶𝗴𝘂𝗶𝗲𝗻𝘁𝗲 ‘𝘂𝗽𝗱𝗮𝘁𝗲’ 𝗱𝗶 𝗯𝗼 𝗳𝗹𝗼𝗿𝗶𝗻!
Despues di entrega di e promé chèck di nos kampaña “Rin Tin Tin ki’ bo ta hasi ku bo florin”, nos a entregá awe e di dos chèck di nos kampaña komunitario na unda ku tur kumpradó di brièchi ta sostené Karnaval ku 1 florin for di kada pida brièchi kumprá den forma di un donashon na nan respektivo organisashonnan di Karnaval.
Benta a sigui kana i nos por bisa orguyosamente ku den e siman aki, Kòrsou a kontribuí ku ANG 40.920,- ku ta suma un total di ANG 117,940,- Boneiru ku ANG 6220,-($3.698,-) ku ta suma e total di ANG 15.770,-($8810,-) i Aruba ku Afl 450,- ku ta suma un total di Afl 7750,- pa nan respektivo organisashonnan.
Abo fiel kumpradó ainda por sigui oument’é kumprando bo brièchi pa nos sorteo di 6 di mart 2025 ku un premio di ANG 500.000,-!
Bo florin pa karnaval ku chèns riba premionan grandi. Wak pa bo no keda afó