Petishon pa informashon tokante di kaso di ‘Hit and run’
KOMUNIKADO DI PRENSA 083/2025
6 mart 2025
Petishon pa informashon tokante di kaso di ‘Hit and run’
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra dia 1 di mart 2025 entre 02.00’or i 02.25’or despues di Marcha di Tiner, tabatin un
aksidente ku a tuma lugá riba A.A. De Lannoy-Willems Boulevard, na unda un vehíkulo
(outo di famia) a alkansá un persona ku tabata kana riba e kaminda enkestion.
E aksidente aki a tuma lugá riba e parti di kaminda sùit den direkshon di Julianabrug na
altura di e agensia di outo na Domi.
Despues di e aksidente, shofùr di e vehíkulo a sigui kore lagando e víktima desampará den
un situashon krítiko i sin laga su identidat keda tras.
Polis ta hasi un súplika na promé lugá na esun ku a kousa e aksidente pa e mèldu na kualke
warda di polis of na Departamentu di Tráfiko.
Un apelashon ta bai tambe na kualke siudadano ku a mira e aksidente aki òf ku tin
informashon tokante di dje, pa tuma kontakto ku polis na 6740140 òf 7246116. Tambe por
yama e numbernan di telefòn 917 of 108 si bo ke keda anónimo.
