Beach Water Polo i Open Water
Durante wikent pasá, Federashon Aquatiko Kòrsou, a organizá dos evento di gran importansia: Djasabra mainta a tuma lugá e espectacular torneo di Beach Water Polo, sigui atardi ku e prestigioso Kampionato di Natashon Artístiko Mildred Clara Invitational 2025. Tur dos evento a resultá den un éxito rotundo, ku un gran merito pa e atleta i e públiko ku tabata presente pa duna nan sosten.
E wikent aki, lo tin mas akshon di nos atleta nan di water polo paso e Beach Water Polo Tournement lo kontinua Djasabra 15 maart pa 10:00 aya na Pirates Bay. I djadumingu 16 di maart, tene duru, for di 08:00, lo tuma lugá e evento di Open Water na Caracasbaai, organisá pa Federashon Aquatiko Kòrsou. Durante e kompetensia aki, lo tin e distansianan di 1, 3 i 5 km. Nos ta invitá henter pueblo di Kòrsou pa asistí masivamente i duna sosten na nos talentoso atleta, spesialmente e atleta nan preselektá pa Carifta Aquatics 2025.
Además, e evento lo konta ku e partisipashon di landadonan di kategoria máster, ku ta demonstrá ku natashon ta un deporte inklusivo ku no konosé barrera di edat.
Nos ta konta ku bo presensia pa disfrutá di un evento deportivo di haltu nivel i pa duna sosten na nos atleta.
Hunto ku e komunikado di prensa, nos a inkluí algun imágen di e torneo di Beach Water Polo i di e Kampionato Mildred Clara Invitational 2025.
Pa mas informashon:
Raoul Hooftman
+5999 515 1775
VP – Open Water
Rene Miguel
+5999 565 5118
VP-Water Polo
