Sifranan di kriminalidat i tráfiko Hulanda Karibense 2024
Sifranan di kriminalidat i tráfiko Hulanda Karibense 2024
Na febrüari 2025 hefe di kuerpo, señor Alwyn Braaf, i e hefe di Kuido Básiko di Polis, señor Edwin van der Giessen, di Kuerpo di Polis Hulanda Karibense (KPCN) a bishitá Saba i Sint Eustatius pa presentá e sifranan di kriminalidat i tráfiko di 2024 na e miembronan di konseho insular i gezaghèber di tur dos isla. Durante e enkuentronan a duna un splikashon di e sifranan i un diálogo konstruktivo a tuma lugá tokante tendensia i desafionan riba tereno di seguridat. E kombersashonnan tabata balioso i a duna un bista importante den e nesesidat di seguridat lokal i puntonan di atenshon.
Den e siguiente siman KPCN a bolbe presentá e sifranan, e biaha aki na konseho insular i gezaghèber di Boneiru. Aki tambe kombersashon habrí i dirigí riba kontenido a tuma lugá, kaminda ku a kontestá preguntanan i deliberá tokante e impakto di sifranan riba e maneho di seguridat.
Awe, djamars 11 di mart, a presentá e sifranan di kriminalidat i tráfiko 2024 na prensa na Boneiru tambe. Durante e enkuentro a duna splikashon mas aleu di e desaroyonan mas importante i a duna oportunidat pa hasi pregunta. Kompartí i analisá sifranan di kriminalidat i tráfiko ta di gran importansia pa un maneho di seguridat efektivo i transparente. Dor di deliberá e informashon aki ku outoridatnan lokal i komunidat, no ta solamente duna un bista di e desaroyonan aktual, pero tambe por determiná prioridatnan konhuntamente pa redusí kriminalidat i seguridat den tráfiko.
KPCN ta keda komprometé na un komunidat seif na Hulanda karibense i ta apresiá e kolaborashon ku outoridat lokal i komunidat pa traha huntu pa islanan mas sigur i abitabel.
Crime and traffic figures 2024 Caribbean Netherlands
In February 2025, the Chief of Police, Mr. Alwyn Braaf, and the Head of Basic Police Care (BPZ), Mr. Edwin van der Giessen, of the Dutch Caribbean Police Force (KPCN) visited Saba and Sint Eustatius to present the crime and traffic figures of 2024 to the Island Council members and Governors of both islands. During these meetings, the figures were explained and a constructive dialogue took place about the trends and challenges in the field of safety. The discussions were valuable and provided important insights into the local safety needs and points of attention.
In the following week, the KPCN presented the figures again, this time to the Island Council of and the Governor of Bonaire. Here too, open and substantive discussions took place, during which questions were answered and the impact of the figures on the safety policy was discussed.
Today, Tuesday the 11th of March, the crime and traffic figures for 2024 were also presented to the press on Bonaire. During this meeting, further explanations were given on the most important developments and the opportunity was given to ask questions. Sharing and analyzing crime and traffic figures is of great importance for an effective and transparent safety policy. By discussing this information with local authorities and society, not only insight is provided into current developments, but joint priorities can also be determined to further reduce crime and traffic unsafety.
KPCN continues to work for a safe society in the Caribbean Netherlands and values the cooperation with local authorities and communities to work together on safer and more livable islands.
