Prome Minister Evelyn Wever-Croes: Corsou ta bay urna electoral PROME MINISTER TA INVITA PUEBLO DI CORSOU PA SALI BAY VOTA

Prome Minister Evelyn Wever-Croes:

Corsou ta bay urna electoral

PROME MINISTER TA INVITA PUEBLO DI CORSOU PA SALI BAY VOTA

ORANJESTAD – Awe Corsou ta bayendo urna electoral. Prome Minister Evelyn Wever-Croes a expresa cu riba e dia di awe su pensamento y curazon ta cu e pueblo di Corsou y cu e ta spera cu tur hende sali bay vota y expresa nan opinion pa asina por forma parti di e futuro di nan pais. Tambe e mandatario a expresa di ta spera cu cada persona tin respet pa opinion di otro, pa na fin di dia democracia por wordo celebra.

Corsou y Aruba ta islanan ruman y ta enfrenta e mesun retonan, pero semper nos a traha hunto y ora nos como pais uni, nos ta logra cosnan grandi. Ta importante tambe pa e gobierno nobo di Corsou por traha hunto cu e gobierno nobo di Aruba pa asina hunto por enfrenta cualkier reto exitosamente.

“Mi ta spera cu tur cos bay bon y cu calmo pa na fin dia nos por mira kico ta e resultado di e votacion. Cu Dios bendiciona dushi Corsou” Prome Minister a expresa.