Ilegal detené despues di aksidente

KOMUNIKADO DI PRENSA
102/2025
23 mart 2025
Ilegal detené despues di aksidente
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 22 di mart 2025 alrededor di 17.06’or, Sentral di polis a dirigí un unidat polisial pa Cadushistraat pa un aksidente di tráfiko ku herido.
Na yegada di e unidat, el a tuma nota ku un di e partidonan enbolbí den e aksidente, tabata trata di un hòmber di nashonalidat Hamaikino.
E hòmber aki tabata permanesé ilegal riba nos isla ya ku e no tabata disponé di ningun dokumento.
E unidat a detene e hòmber ilegal relashoná ku violashon di e Lei di Atmishon i Ekspulshon i a transport’é pa ofisina di Imigrashon, na unda el a keda presentá dilanti di un fiskal ouksiliar.
El a keda será pendiente di su deportashon.
