KÓDIGO ORAÑO: UN PREKOUSHON PA LAMAN BRUTU TA NA VIGOR.
Pronóstiko
Pronóstiko di tempu pa Kòrsou i bisindario bálido te djamars mainta 06:00 o.l., 25 di mart 2025.
Kompilá: djaluna 24 di mart 2025, 05:00 o.l. (09:00 UTC).
KÓDIGO ORAÑO: UN PREKOUSHON PA LAMAN BRUTU TA NA VIGOR.
Tempu: Bientu lo sigui suplá basta fuerte i kantidat di nubia lo varia sigun dia ta progresá.
Temperatura máksimo lo alkansá 31ºC i temperatura mínimo 26ºC.
Solo ta sali 06:37 i ta baha 18:47 o.l.
Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte te duru den ráfaga; forsa 6 te 7 (40 te 61 km/ora, 22 te 33 nudo).
Situashon general: Ekstenshon di un preshon haltu ta sigui stroba formashon di nubianan signifikante riba nos region i asina mantené un wer seku riba nos isla. Mas aleu, bientu lo kontinuá basta fuerte te de bes enkuando fuerte i komo resultado kondishon di laman lo sigui basta brutu. Ademas, ta antisipá ku e stòf di Sahara den nos área lo bira gradualmente ménos.
Kondishon di laman: Brutu ku altura di olanan di 2 te 3 meter (6 pa 10 pia). E olanan di mas haltu lo ta serka di kosta nort, ost, sùit i den e pasashi entre Klein Kòrsou i Kòrsou. ATENSHON: Ta desrekomendá usuarionan di laman i botonan chikí uza òf transitá e sekshonnan di laman serka di kosta nort i entre e pasashi di Kòrsou i Klein Kòrsou. Alabes, evitá di nabegá leu for di kostanan di Kòrsou.
Fenómeno spesial: Ningun.
Perspektiva te djárason mainta: Por lo general parsialmente nublá i seku. Bientu lo supla de bes en kuando fuerte.
Meteorólogo: Correa
