Vulnerabilidat den e transishon di florin antiano pa florin karibense: atvertensia pa riesgo di labamentu di plaka i kriminalidat finansiero

 

Willemstad, Kòrsou – 28 di mart 2025
Vulnerabilidat den e transishon di florin antiano pa florin karibense: atvertensia pa riesgo
di labamentu di plaka i kriminalidat finansiero
Kòrsou i Sint Maarten ta na bispu di un transishon históriko, ku ta introdukshon di e florin
karibense. Ku e transishon aki, e florin antiano aktual (NAf) lo ser remplasá pa e florin
karibense. Aunke e desaroyo aki ta un paso importante pa e sektor finansiero di Kòrsou i Sint
Maarten, e transishon aki tambe ta trese riesgonan signifikante pa ku kriminalidat finansiero.
Centrale Bank van Curaçao en Sint Maarten (CBCS), Curaçao Gaming Authority (CGA) i
Financial Intelligence Unit Curaçao (FIU) ta enfatisá e importansia di atenshon i kolaborashon
pa prevení mal uso durante e periodo di transishon aki.
Periodo di transishon di un moneda bieu pa un nobo por ta sensibel pa labamentu di plaka i
kriminalidat finansiero. Ta importante ku tur persona i institushon ku ta kai bou di
supervishon di CBCS, CGA i FIU ta na altura di e rísikonan di mal uso di e okashon aki. E
personanan i institushonnan ku ta kai bou di supervishon ta ser rekomendá pa intensifiká nan
kuadro pa kombatimentu di labamentu di plaka, finansiamentu di terorismo i proliferashon
di arma. Esaki ta nifiká ku nan mester keda mas atento na e patronchinan di transakshon di
kliente. E introdukshon di e florin karibense por krea sierto rísikonan i desafionan,
inkluyendo: – – – –
Depósito sospechoso: depositá sèn kèsh sin un orígen òf propósito klaro;
Froude di konvershon di moneda: kambia moneda bieu ku tabata optené ilegalmente
pa moneda nobo, i pretendiendo ku e moneda bieu tabata legalmente optené;
Kompra di biennan di luho ku sèn kèsh: p.e. propiedat inmóbil, joya, outo.
Kompra di ficho di casino ku moneda bieu ku tabata optené ilegalmente i kambia nan
na moneda nobo despues di partisipá solamente un poko na e weganan òf sin partisipá
mes na e weganan.
Kriminalnan ke pa nan komportashon no yama atenshon i pa nan identidat keda deskonosí.
Dunadónan di servisio mester ta alerta i tene kuenta ku e diferente métodonan di labamentu
di plaka, tuma e medidanan preventivo apropiá di akuerdo ku e konteksto di nan operashon
(produkto, servisio, kliente, kanal di distribushon).
Ta krusial ku e institushonnan ku ta bou di supervishon keda alerta i raportá transakshonnan
inusual na tempu na FIU pa asina protehá e integridat di e sistema finansiero i pa sigurá un
transishon fásil pa e florin karibense.