Honors Night 2025 – Un anochi di inspirashon i triunfo!
Honors Night 2025 – Un anochi di inspirashon i triunfo!
FDOK ta orguyoso di presentá nos “Honors Night 2025”, ku lo tuma lugá dia 6 di aprel próksimo den WTC. Esaki ta un evento eksklusivo dediká na selebrá ekselensia den deporte na Kòrsou!
Durante di e anochi di gala aki, nos lo rekonosé nos ikononan di deporte i e atletanan ku a sobresalí durante aña 2024. Lo ta un anochi di inspirashon, logronan i gratitut na tur esnan ku ta kontribuí na desaroyo di deporte riba nos isla.
Ken lo ta e grandi ganadornan di e anochi? Na total lo tin 11 kategoria kual ta keda menoshoná aki bou !
- Prospekto hubenil
- Gabriel Eduardo Londono Ruiz ( Curaçao karate bond )
- Katherina Brazil ( Tennis federation Curaçao )
- Akeelah Unika Rojer ( Curaçaose Sòftbòl Bond )
- Deportista Hubenil femenino
- Keziah Fluonia ( Tennis federation Curaçao )
- Zsa Zsa Hannah Frans ( Curaçaose atletiek bond )
- Sophia Schotte ( Asosashon paso fino Kòrsou )
- Deportista Hubenil maskulino
- Damir Josue Paulino Francisco ( Curaçao karate bond )
- Zion King Sambo ( Curaçaose atletiek bond )
- Brayden Bridgewater ( asosashon paso fino Kòrsou )
- Deportista Senior femenino
- Ronelly Marineddys Vos ( Federashon tènis di mesa Kòrsou )
- Ashanty Alexandre ( Curaçaose Sòftbòl Bond )
- Deportista Senior maskulino
- Phildrick Llewellyn ( Federashon beisbòl Kòrsou )
- Dimitri Nikolai Leon ( Federashon tènis di mesa Kòrsou )
- Yhurisen Aquiles Philoméne Molenaar ( Curaçao Weightlifting Federation )
- Wes di aña
- Ulrich Hernandez ( Federashon di Tènis di mesa Kòrsou )
- Elfried Laker ( Curaçaose atletiek bond )
- Denzil Philips ( Federashon di ahedrez Kòrsou )
- Dirigente Tékniko
- Sorick Liberia ( Federashon beisbol Kòrsou )
- Richard Riedel ( Curaçaose atletiek bond )
- Riangelo Da Silva De Goes ( Federashon di ahedres Kòrsou )
- Dirigente atministrativo
- Jedrek Magdalena ( Federashon Beisbòl Kòrsou )
- Ingrid Enestecia van der Hilst – Melfor ( Federashon tènis di mesa Kòrsou )
- Caimin Christian Douglas ( Curaçaose Atletiek Bond )
- Ékipo di aña
- Santa Maria Pirates ( Federashon di beisbòl Kòrsou )
- The Eagles ( Curaçaose Atletiek Bond )
- Olympiad Female Chess Team Curaçao ( Federashon di Ahedres Kòrsou )
- YDK
- Jurickson profar ( federashon beisbòl Kòrsou )
- Jdah Girigorie ( Curacaose Softbol Bond )
- Taqeyah Marcos ( Federashon di Ahedres Kòrsou )
- Selekshon di aña.
- Selekshon di beisbol senior
- Selekshon di domino
- Curaçao Chess Femele Selection 2024
Tambe nos lo introdusí 5 miembro nobo den Salon di fama di FDOK kual ta:
- Franklin Isidro Pascual Veeris ( Body Building )
- Ulvic Franklin John Jamanika ( karate )
- Renick Malcolm Jamanika ( karate )
- Samir Kaled Daou ( Bowling )
- Grada Maria Gosepa ( Softbal )
Ta e intenshon pa durante e dianan benidero nos manda mas informashon di tur e ikononan aki.
Nos ta invitá komunidat di Kòrsou kompletu pa bin presensia e prestigioso evento aki.
Sigui nos pa mas detaye i warda pa eksperensia e gala di deporte mas grandi di Kòrsou!
Potrèt athuntu: FDOK honors night.
Prospekto Hubenil
Gabriel Londoño Ruiz
Gabriel Londoño Ruiz a konkistá oro den su promé kampionato di Karibe, kaminda el a gana un oponente fuerte di Repúblika Dominikana den final.
Akeelah Unika Rojer
Akeelah Rojer ta un atleta talentoso ku ta bria tantu den sòftbòl komo beisbòl.
Den 2024, su esfuerso a paga grandi! Akeelah a bira Kampion di Kòrsou den sòftbòl AA Pro League, representando Souax Softball Team. Akeelah no ta bria solamente den sòftbòl pero tambe den beisbòl.
Katherina Brazil
Katherina Brazil ta un talento prominente den e deporte di tènis ku ta representá Kòrsou riba nivel nashonal i internashonal.
Na nivel nashonal, Katherina ta dominá su kategoria i aktualmente ta number 1 riba e ranking di U 10 na Kòrsou.
Den e kompetensia ITF Junior U12 Competition, Subregion 4, Katherina a gana un medaya di plata, manteniendo su reputashon komo un di e talento mas prometedó den tènis hubenil di e region.
Potrèt athuntu: Prospekto hubenil
Deportista Hubenil femenino
Keziah Fluonia
Den 2024 Keziah a kompetí den vários kompetensha lokal i internashonal, ku premio di kampion i sup kampion. Na Panamá den Copa Canal de Panamá U14 e tabata finalista den tantu singel komo dòbel.
Despues na Trinidad & Tobago el a bolbe hunga final den ámbos kategoria kaminda el a titulá kampion den dòbel. Na Barbados Keziah a kue título di kampion den dòbel i sup kampion den singel. E mesun senario ta ripití den JITIC na Republica Dominicana.
Na Kòrsou Keziah a titulá kampion “mix doubles” pa despues konkistá e título máksimo den National Masters Tournament U18. Na kabamentu di aña 2024 Keziah a risibí e “Outstanding Performance Award Girls U14” di e federashon nashonal di tènis.
Zsa Zsa Frans
Zsa Zsa un biaha mas a konta ku un temporada super éksitoso. Komo ‘highlight’ su medaya di bròns den Carifta na Grenada, riba 100m ‘hurdles’, markando tempu di 14.21 sekonde.
Aki ta trata di un talento eksepshonal, ku kada bes tin presentashonnan impreshonante. Mirando e dedikashon di Zsa Zsa, esaki no ta un sopresa. Den 2024 e tabata bon pa 3 medaya di oro, 4 di plata i 1 medaya di bròns. Ademas Zsa Zsa a pone rèkòrt nashonal riba 60 meter hurdles.
Tambe Zsa Zsa a kompetí den kampionato hulandes, NK Junioren, klasifikando na di 5 lugá. Loke ta separá Zsa Zsa for di demas kompetidónan, ta su konsistensia, kresementu i determinashon tantu na nivel lokal, regional i internashonal.
Sophia Schotte
Sophia Schotte ta praktiká e deporte di ekitashon for di su 5 aña. Durante un periodo kompetitivo di 6 aña Sophia a demostrá su abilidat i determinashon ekstraordinario logrando un karera invikto na Kòrsou.
Aktualmente Sophia ta kompetí den e kategoria di Amazonas di 9-11 aña. Na 2024 Sophia a kompetí na Republica Dominicana i a logra kue e sinta blou di promé lugá.
Tambe Sophia a representá selekshon di Kòrsou den ‘Mundial de Equitación en Caballos de Paso Felix Santiago Oliver’ na aña 2022 kaminda Sophia a logra konkistá e di 3 lugá i den e Mundial di 2024 e di 5 lugá kompitiendo kontra di 23 partisipante for di diferente parti di mundu.
Su manera natural, su konsentrashon i su abilidat pa manehá kabai ta loke ta pone Sophia destaká.
Potrèt athuntu: Deportista hubenil femenino
