Detenshon pa menasa

KUERPO POLISIAL KÒRSOU
KOMUNIKADO DI PRENSA
3 aprel 2025
Detenshon pa menasa
119/2025
Djaweps 3 di aprel 2025 alrededor di 07.36’or, Sentral di Polis a dirigí un unidat di Montaña
pa un adrès riba Seru Loraweg, pa un problema entre un pareha.
Na yegada di e unidat, el a komprondé for di e dama ku un ratu promé e tabatin un
diskushon na e adrès enkestion i e hòmber lo a menas’é ku un arma di kandela.
Kontinuando ku e investigashon, polis a tene un kontròl riba e hòmber i den su kas a haña i
konfiská un tiki mariwana pero no a haña e arma di kandela.
Na e sitio a detené hòmber A.A.J. di 29 aña di edat nasé na Kòrsou, pa e kaso di menasa.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

