KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

KRIOYO FILM FESTIVAL EDISHON ARUBA TA UN REALIDAT

3 di Aprel 2025

 

KRIOYO FILM FESTIVAL EDISHON ARUBA TA UN REALIDAT

 

WILLEMSTAD – Mayan djabièrnè dia 4 di aprel 2025,  e promé edishon di Krioyo Film Festival edishon Aruba ta bira un realidat, na momentu ku e pelíkulanan na papiamentu kuminsá pasa den Caribbean Cinemas na Paseo Herencia na Aruba.

Ya pa varios luna kaba, Krioyo Film Festival Foundation a bin ta traha riba e aktividat aki pa Aruba i porfin e dia a yega ku pueblo di Aruba tambe lo tin oportunidat pa bai mira i disfruta di pelikulanan na papiamentu riba pantaya grandi.

Pa 2 or di merdia lo tin un seremonia kòrtiku den lobby di Caribbean Cinemas, kaminda lo hiba palabra algun representante di esnan ku ta hasi e evento aki posibel. For di 3 or di atardi, lo tin varios pelikula ku e pueblo Arubano por skohe pa bai wak.

Historia di Krioyo Film Festival

Krioyo Film Festival a nase ku e mishon pa duna mas visibilidat na e talento di sine lokal. Su edishon  Nr. 1 na Kòrsou a resultá eksitoso, kaminda sineastranan lokal a haña un plataforma pa mustranan trabou. E prome edishon a konta ku obranan di Korsou i Aruba. Pa 2025 nos ta pendiente partisipashon for di Boneiru. Ku e ekspanshon pa Aruba, e festival ta bira un evento mas amplio, reunindo e pueblo Arubano i Kòrsou ku un amor komun pa sine. Nos ta pendiente pa den 2025 aki tambe pa Hulanda ku Krioyo Film Festival.

 

Esnan ku ta Hasi e Festival Posibel

E festival no tabata posibel sin kolaborashon di:

  • Ofisina di Turismo di Kòrsou
  • X 102.7 FM
  • Bourbon & Cigars Lounge,
  • Victoria City Hotel,
  • Island 297 Car Rental
  • 24 Ora.com, Trempan, Headlines group i di mes
  • Krioyo Film Festival.

E patrosinio i sosten di e partnernan aki ta fundamental pa laga e festival keda un éksito.

 

Bloknan di Pelikula

Blok SANTA CRUZ                        durashon

E carta                                               18 min

Loteria                                               11 min

Blei-Fir                                              11 min

 

Blok PARADERA

Boi Blekero                             52 min

 

Blok DAKOTA

Buskando Juni                                   14 min

T.A.T.N.                                            27 min

 

Blok MADIKI

Enrico                                               90 min

 

Blok SAN NICOLAS

Filomena                                           14 min

La Dama Blanca                                30 min

 

Blok PLAYA

Kòfi Gratis                               13 min

Luz riba lama                                     29 min

 

Blok JAMOTA

Lagrima Inosente                     60 min

 

Blok SAVANETA

Lanta Ariba                              64 min

 

Blok TAMARIJN

Mondi Ku Né                                    90 min

 

Blok TANKI LEENDERT

Orkan Irma                              68 min

 

Blok JAMANOTA

Roba Alma                               20 min

Sophia                                               13 min

 

Blok BRASIL

Inisio Silensioso                                12 min

Rocco                                                9 min

Sorry Mami                             7 min

 

Blok SAN FUEGO

Salgá                                                 22 min

Violensha                                          8 min

 

Blok MACUARIMA

Yamada                                             82 min

 

Blok BARCADERA

E maleta Ros                                     44 min

 

Di kurason Krioyo Film Foundation ta spera ku pueblo di Aruba lo bai masalmente pa mira e pelikulanan na papiamentu na Pantaya grandi na Caribbean Cinemas na Paseo Herencia. E eksito aki ta depende di boso kada unu.

 

Leave a Reply

This site uses Akismet to reduce spam. Learn how your comment data is processed.