Detenshon relashoná ku kaso di tiramentu i konfiskashon

KOMUNIKADO DI PRENSA 123/2025
5 aprel 2025
Detenshon relashoná ku kaso di tiramentu i konfiskashon
Departamentu di Komunikashon i Prevenshon
KUERPO POLISIAL KÒRSOU
SIRBI I PROTEHÁ
Kontinuando ku investigashon den e kaso di tiramentu ku a tuma lugá djabièrnè dia 4 di aprel 2025 (Komunikado di Prensa 121/2025), polis a hasi un detenshon.
Djasabra 5 di aprel 2025 alrededor di 06.20’or, Tim di Aresto a detené e dama D.D.N.M. di 45 aña di edat nasé na Kòrsou na un kas den Kaya San Juan.
E dama ta keda sospechá di ta kómplise den e kaso di asesinato ariba menshoná.
Tambe polis a konfiská un vehíkulo na e kas na unda e dama a keda detené.
A presentá e sospechoso dilanti di un fiskal ouksiliar pa interogashon i mas investigashon.

