KOMUNIKADO DI PRENSA 121/2025

5 aprel 2025

Kaso di asesinato ku konfiskashon di vehíkulo

Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHA

Djabièrnè 4 di aprel 2025 alrededor di 20.10’or, Sentral di Polis a dirigí varios unidat pa un kas na Tintamarreweg pa un kaso di tiramentu, na unda tabatin un persona seriamente heridá.
Na yegada di e unidatnan, nan a bin tuma nota di un dama ku tabata bentá abou den e kas ku varios herida di bala na su kurpa.
For di investigashon preliminar a sali na kla ku un hòmber anteriormente tabatin problema ku su pareha i un ratu promé a yega na e kas enkestion i lòs tirunan dirigí riba mama di su pareha.
Ambulans a keda avisá pa yega na e sitio ku urgensia. Pero na su yegada e personal no por a hasi nada mas pa e víktima, ya ku el a fayesé na e sitio di insidente.
Dòkter di polis ku a presentá na e sitio, a konstatá morto di e dama, di kua ainda su
identidat no por keda divulgá.
Riba òrdu di fiskal di Ministerio Públiko a konfiská e kurpa.
Despues di su akto, e hòmber sospechoso a bandoná e sitio.
Alrededor di 00.15’or, Polis a bin enkontrá i konfiská un vèn blanku bandoná den Kaya
Mimosa, kua vehíkulo ta pertenesé na e sospechoso di e kaso di asesinato aki.
Investigashon den e kaso aki ta kontinuá.

---