KOMUNIKADO DI PRENSA 139/2025
16 aprel 2025

Dos detenshon den kaso di ladronisia

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon den un kaso di ladronisia ku a tuma lugá den luna di mart
2025, na un hotèl den área di Otrobanda, (Komunikado di prensa 138/2025) polis a hasi dos
detenshon mas.
Djárason 16 di aprel 2025 alrededor di 06.10’or, reshèrshinan ku ta investigá kasonan di
ladronisia a detené e hòmber D.I.K. de.la. R. di 22 aña di edat nasé na República
Dominicana, na un kas den Kaya Bromelia.
Siguiendo ku e investigashon, alrededor di 06.50’or, polis a bai na un adrès den Kirindongo
Abou pa e di dos detenshon di e hòmber K.B. di 23 aña di edat nasé na Haiti.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.