Detenshon relashoná ku destrukshon, ladronisia i subi riba tereno sin pèrmit
KUERPO POLISIAL KÒRSOU
KOMUNIKADO DI PRENSA
19 aprel 2025
143/2025
Detenshon relashoná ku destrukshon, ladronisia i subi riba tereno sin pèrmit
Djabièrnè 18 di aprel 2025 alrededor di 06.10’or, Sentral di polis a dirigí un unidat polisial
pa un kas den Aimaraweg pa un kaso di destrukshon, ladronisia i subi riba tereno di otro sin
pèrmit.
For di investigashon preliminar ku polis a hasi na e sitio a sali na kla ku un hòmber konosí pa
e famia pa basta dia kaba tabatin un problema familiar.
E hòmber tabata tira piedra i kometé destrukshon na e kas aki. Finalmente el a subi riba
tereno di e kas i kòrta waya di koriente bai ku ne.
Despues di un búskeda den e área polis a detené e hòmber L.A.J. nasé na Kòrsou di 28 aña
di edat, enkonekshon ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.