KOMUNIKADO DI PRENSA 150/2025
22 aprel 2025

Kandela di mondi

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 21 di aprel 2025 alrededor di 19.05’or, Sentral di Polis a risibí informashon di un
kandela di mondi basta grandi ku tabatin den área di Rondeklip.
Mesora a dirigí tantu polis komo brantwer na e sitio.
Polis a konstatá vlamnan basta grandi i e área na unda e kandela tabata kima, tabata
enorme.
Brantwer tabatin difikultat pa dominá e kandela ya ku esaki tabata kore bou di tera.
For di investigashon ku a hasi na e sitio a sali na kla ku e tereno aki sa wòrdu usá komo un
lugá ilegal pa basha shushi.
Polis a trata te asina leu ku tabata por pa sera e área i brantwer a kontrolá e kandela mas
tantu posibel pa evitá ku e ta yega na kasnan den besindario i forma peliger i molèster.
E trabounan riba e tereno aki a kontinuá te den oranan lat di anochi.
Polis lo sigui ku atenshon pa e área aki.