Webinar Beka Tula

WILLEMSTAD – Ministerio di Enseñansa, Siensia, Kultura i Deporte ta tene un webinar informativo relashoná ku Beka TULA. E beka ta keda otorgá na studiantenan relashoná ku materia di historia. Esaki ta un inisiativa ku a sali for di akuerdo entre Minister di Enseñansa di Kòrsou i Minister di Enseñansa di Hulanda. E webinar ta tuma lugá dia 25 aprel di 2025 di 10:00 pa 11:00 or.

Alumnonan ku ta bin na remarke ta: Mester tin diploma di HAVO/VWO òf SBO, nan por ta kandidatonan pa pasa èksamen e aña aki, mester tin nashonalidat hulandes i ta para habri pa ku e tópiko di sklabitut i nos pasado kolonial. Por inskribí te ku 23 aprel 2025. Aki por tuma nota di e link pa inskripshon: https://forms.office.com/r/CEt3GRwZr6  i pa mas informashon por baha e informashon de PDF aki: Informashon Tula – beurs 2025

Den e webinar ta duna e siguiente informashonnan:

• Informashon di e kriterio di selekshon;
• Informashon di entrega di e beka pa medio di un kontrakt via di SSC;
• Alumno Liam Mau-A-Sam ta kompartí su eksperensia di ku a gana e beka;
• Tin oportunidat pa hasi pregunta.

No keda sin inskribí, nos ta wardabo!

 

—

KOMUNIKASHON

Ministerio di Enseñansa, Siensia, Kultura i Deporte