Minister Dirk Beljaarts di Asuntunan Ekonómiko a hasi un bishita eksitoso na Kòrsou.

Minister Dirk Beljaarts di Asuntunan Ekonómiko a hasi un bishita eksitoso na Kòrsou. Durante dos dia, e minister a kòmbersá ku empresarionan di diferente sektor na Kòrsou. El a papia ku Curaçao Bankers Association i Qredits Microfinancing na e fábrika di te Simia tokante e fiansa (borgtocht) di BMKB, ku lo habri na sèptèmber di e aña aki pa empresarionan na Aruba, Kòrsou i Sint Maarten. E areglo aki ta proveé mihó akseso na kapital pa empresa chikí i mediano por invertí den nan futuro. Gobièrnu (parsialmente) ta garantisá e fiansanan. Di e forma aki ta promové ekonomia tambe. Tambe e minister a papia ku Blue Nap Americas tokante entre otro e posibilidat di un koperashon mas grandi denter di Reino, seguridat sibernétiko i resiliensia ekonómiko. E promé dia a terminá ku un resepshon di networking na Corendon Hotel, unda e minister por a topa ku un kantidat di empresario di K òrsou.

Minister Beljaarts a bishitá Parasasa Hotel Curaçao kaminda ta entrená studiantenan di hospitalidat den vários aspekto di e profeshon. Finalmente a duna e Minister i su delegashon un rekorido di haf ku Curaçao Port Authority i 2Bays Curaçao den kuadro di e plan maestro di 2Bays ku ta enfoká riba aktividatnan ekonómiko sostenibel i inovativo riba e tereno di e refineria anterior.

Tambe Minister Beljaarts tabata tin reunion ku Gobernador Lucille George-Wout, Promé Minister Gilmar Pisas i tabata tin enkuentro individual ku lidernan di frakshon di Parlamento di Kòrsou.