Adaptashon den skema di rekohé shushi di kas

Selikor ta informá ku, debí na algun reto ku ekipo, siman pasá mester a hasi sierto adaptashon den e skema di rekohé shushi di kas. Nos personal a traha riba djasabra pa finalisá e skema atrasá. A trata pa minimalisá e retraso i rekohé tur ruta di kas, sinembargo no riba e dia kustumbrá.
Pa e siman akí lo bai bèk na e skema normal. Si no presentá ningun inkonbiniensia, Seliko ta spera di rekohé tur shushi segun e skema normal.
Selikor ta keda komprometé pa kumpli ku e rekohementu di shushi den tur bario. Nos ta pidi nos diskulpa pa eventual molèster ku e retrasonan di siman pasá por a okashoná.
