KOMUNIKADO DI PRENSA 189/2025
14 mei 2025

Kaso di pegamentu di kandela i un detenshon

Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHÁ

Djamars 13 di mei 2025 alrededor di 12.31’or, Sentral di Polis a risibí notifikashon ku den
Kaya Ambishon tin un kompleho di apartamento na kandela.
Na yegada di e unidat polisial a topa ku un di e apartamento den e kompleho parsialmente
na kandela.
Brandwer a yega rapidó na e sitio i a logra paga e kandela i tene e daño material hopi limitá.
Kontinuando ku e investigashon ta sospechá ku den e kaso aki e kandela a wòrdu okashoná
intenshonalmente.
Alrededor di 15.29’or, Sentral di Polis a haña un yamada di un hòmber hürdó di e
apartamento ku a atmití su implikashon den e kaso aki.
For di investigashon a sali na kla ku e hòmber aki a surfí kemadura na su pianan i ku
ambulans a transport’é pa sala di emergensia di C.M.C. pa tratamentu médiko.
Despues di risibí tratamentu médiko polis a detené e hòmber L.F.G. di 58 aña di edat nasé
na Kòrsou, relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.