Un kaso hopi pero hopi lamentabel na momentu ku un hoben di 11 aña ta perde su bida.

Djamars mainta un suseo hopi lamentabel a tuma luga na momentu ku un hoben di apensa 11 aña di edat ta yega skol pa traha su EFO toets maestro nan ta tuma nota ku su kurpa no ta bon. Ta bati alarma i avisa mayornan di e hoben ku e yu su kurpa no ta bon, ta yama ambulans ku na su turno ta hiba e hoben CMC pa tratamentu mas avansa i pa djis despues notisia ta drenta ku e hoben ta fayese.

Praktikamemte un kaminda algu a bai hopi robes pa e hoben a perde su bida.
Komunidat di Korsou a keda di shok pa ku e notisia aki kaminda un hoben di apensa 11 aña ta fayese di un forma masha straño.

Informashon ku ta te ahinda ta konosi ta ku ya kaba pa un siman mayornan di e hoben ku su nomber ta Gigi ta na altura ku e hoben aki no ta sinti su kurpa bon i a bai dokter kune pa sa kiko presis ta pone ku e no ta sinti su kurpa bon. Dianan a pasa i poko poko e hoben a kuminsa sinti su kurpa un poko mas miho i e mayornan a disidi di laga Gigi bai skol pa traha su prueba nan di EFO toets. Na momentu ku Gigi a yega skol i net prome ku e prueba nan di EFO toets kuminsa diripiente Gigi a bira mas malu i mester a yama ambulans ku na su turno a transport e hoben ku urgensia pa CMC pa mas tratamentu. Lastimamente Gigi a fayese.

Kiko presis a pasa ku Gigi no ta konosi.
E dokter no por a diagnostika ku e situashon di e hoben tabata tin mester di mas atenshon? Kiko a bai robes?

Un kos si ta sigur ku ultimo tempunan tin masha diskushon riba nos kuwido mediko aki na Korsou.

Medikonan ku su man ta mara paso nan no por hasi e testnan nesesario pa por diagnostika kiko un hende ta sinti.
Dokter mester tene e gastunan abou paso seguro no ta kubri sierto gastunan of ta manda pashent nan bebe paracetamol.
Salu di hende no ta importante mas ?

E loke a pasa aki ta un punto di atenshon hopi serio ku nos komunidat ta bibando aden tur di di nobo.

Hopi jammer ta loke a tuma luga.
Pas na su alma i Forsa na famia.