KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Akshon eksitoso pa reskatá pareha na Parke Kristòf

 

KUERPO POLISIAL KÒRSOU

KOMUNIKADO DI PRENSA

18 mei 2025

Akshon eksitoso pa reskatá pareha na Parke Kristòf

199/2025

Djadumingu 18 di mei 2025 alrededor di 09,42’or, Sentral di Polis a haña yamada di un
persona ku tabata den mondi na Parke Kristòf ku a indiká ku su pareha i e a keda ataká pa
un kantidat di abeha i ku nan lo mester a risibí piká di e abehanan.
En bista ku e pareha tabata den mondi i no por a duna nan ubikashon eksakto, Sentral di
Polis a dirigí tantu polis di Barber komo Politur na e parke.
Personal di Politur mesora a subi su drone i den kordinashon ku Park Ranger, e unidat di
Barber i Sentral di Polis, a kordiná buskeda di e pareha.
Despues di algu mas ku 2 ora buska, pa medio di e drone di Politur, a lokalisá e ubikashon di
e pareha.
Entre tantu a pidi presensia di helikòpter di Wardakosta tambe, pa yuda den e akshon.
Ku helikòpter a transportá e pareha ku a keda piká dor di abeha pa e base na aeropuerto,
na unda nan a keda transportá ku ambulans pa C.M.C. pa tratamentu médiko.

639114718427035"
639114718427035"