KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon relashoná ku intento di ladronisia di skùter

 

KOMUNIKADO DI PRENSA 202/2025

19 mei 2025

Detenshon relashoná ku intento di ladronisia di skùter

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku investigashon den un kaso di intento di ladronisia di skùter ku a tuma lugá
dia 30 di aprel 2025 na un hotèl den área di Janthiel, polis a hasi un detenshon.
Djaluna 19 di mei 2025, e tim ku ta investigá ladronisia di vehíkulo a hasi detenshon di e
hòmber C.H.V. di 25 aña di edat nasé na Kòrsou, relashoná ku e kaso ariba menshoná.
Su detenshon a tuma lugá na warda di reshèrshi.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

639114718427035"
639114718427035"