Manan ta e gran final di e sertamen di Miss Teenage Curaçao 2024/2025 titulá Aquamarina Voyage

Willemstad- QMQ Organization ta kla pa presentá un sertámen di hóben riba nivel haltu
manera kustumbrá. Tur kos ta klá pa djaweps awor, 29 di mei, Kòrsou konosé su Miss
Teenage Curaçao nobo.
E 8 hóben damanan kompitiendo pa e título tan desea ta, Cheralline Phantophlet, Laïs Braaf,
Tesselly Chirino Ortega, Sherily Silié, Angelly Virginia, Der-ëangely Pieter, Melysa Pengel,
Thalina Gil. Nan ta kla pa demostrá tur loke nan a siňa den e 4 luna nan tras di lomba.
Manera e nòmber mes ta bisa, Aquamarina Voyage. QMQ Organization ta bai sigui hinka bo
den e ambiente i beyesa di nos laman blou, manera ya por a mira di nos dos show nan
anterior.
Durante e show final e ocho beyesa nan lo tin tres presentashon ofishial. E promé
presentashon, e hóben dama nan ta subi esenario den nan trahe uniformá, den un baile di
apertura espektakukar hinka den otro i tambe lo introdusi nan mes i menshoná nan slogan.
E di dos presentashon ta esun di trahe di baňo i e último presentashon ta bira nan
presentashon den trahe di gala, kual e 8 partispante nan lo lusi trahe nan ku a keda speshial
diseňa i konfekshoná pa e gran final.
Tur amante di beyesa por ta siguir ku nan ta bai disfrutá di un show yena ku beyesa i
glamour produsí pa Edmee Haard Statia i co- produktor Rodney Aniceto. I
Maestro nan di seremonia p’e anochi aki manera kustumber ta na enkargo di dos hóben
talento kual ta Dany Balentien, lokutor di radio i Valerie van Heydoorn, nos Miss Teenage
Globe Curaçao 2022. Dany i Valerie lo tin na nan ekargo kondusí e bunita gala final aki, i
laga nos tur biba emoshonan di e anochi.
Un anochi ku QMQ Organization, un biaha mas, lo duna hóben artistanan e oportunidat pa
presentá.
Si ahinda bo no a kumpra bo karchi, bo por hasi esaki serka bo partispante preferí, na balor
di XCG 85,- I mas ku klaro bo por sigui e transmishon LIVE for di e Plataforma nan di QMQ
Organization su FACEBOOK I YOUTUBE. Transmishon lo kuminsa 7or di anochi.
Pa tur informashon di e final di Miss Teenage Curaçao 2024/2025, sigui e página nan ofishial
di QMQ Organization riba ret nan sosial.
Nos ta topa den e gran gala final di Miss Teenage Curacao 2024/2025 E EVOLUTION.