PROMÉ MINISTER SR. GILMAR PISAS A RISBÍ E REPRESENTANTE NOBO DI HULANDA NA KÒRSOU
PROMÉ MINISTER SR. GILMAR PISAS A RISBÍ E
REPRESENTANTE NOBO DI HULANDA NA KÒRSOU
Willemstad – Promé Minister sr. Gilmar Pisas a risibi e representante nobo di Hulanda
na Kòrsou sr. Gerrit Kunst dia 2 di yüni 2025.
Sr. Kunst tabata akompañá pa e aktual representante interino di Hulanda sra. Saskia
de Reuver.
E meta di bishita tabata pa Promé Minister sr. Gilmar Pisas i sr. Gerrit Kunst por a
sera konosí ku otro.
Durante di e bishita aki a hasi uso di e oportunidat pa atendé algun punto di interes
mutuo. Promé Minister sr. Pisas a enfatisá, entre otro, ku di parti Kòrsou lo sigui
mantené un bon relashon ku Hulanda, i pues tambe ku e representante di Hulanda na
Kòrsou.
Sr. Kunst na su turno a indiká na Promé Minister sr. Pisas ku e lo bai trata pa ta e brùg
entre Hulanda i Kòrsou.
Finalmente sr. Kunst a indiká ku e seremonia ofisial pa yama e representante nobo di
Hulanda bon bini ta planiá pa sèptèmber próksimo.
E kombersashon a kana den un bon esfera.