Net bon, mirando cu poco tempo pasa Aruba a celebra e echo cu ta net 22 aña pasa cu Papiamento a bira un idioma oficial. Un storia pa cada aña!
E bukinan cu topico varia ta inclui entre otro cuenta di Compa Nanzi. Tin storia pa mucha di diferente edad, di kleuter te cu 10 aña. Ta trata di traduccion di storia cu originalmente a keda publica riba e website Storyweaver.

Por lesa e bukinan riba e dos websitenan di Departamento di Enseñansa Aruba, papiamento.aw y ea.aw. Riba esakinan tin mas cu 250 buki na Papiamento pa mucha y hoben, pues por papia di un coleccion amplio!

Pa lesa e bukinan nobo via e pagina di Storia di Storyweaver (bou di diferente categoria di edad) di www.papiamento.aw.

Mas informacion

Pa mas informacion relaciona cu Papiamento por acudi na e website papiamento.aw y/of sigui @PapiamentoAruba via Facebook.