Reunion cu Altocomisario di Polis Nacional di Hulanda pa fortifica cooperacion cu Aruba
Reunion cu Altocomisario di Polis Nacional di Hulanda pa fortifica cooperacion cu Aruba
ORANJESTAD – Durante su bishita oficial na Hulanda, Minister di Husticia, Integracion y Transporte Publico mr. drs. Arthur Dowers a tene un reunion strategico cu e Altocomisario di Polis Nacional di Hulanda, sra. Janny Knol.
E dialogo a concentra riba fortificacion di cooperacion internacional, reforsa lasonan di colaboracion entre Aruba y Hulanda y e RST (Recherche Samenwerkingsteam).
Minister Dowers a subraya e importancia di un enfoke colectivo den combati criminalidad den Reino y e necesidad pa intensifica intercambio di informacion, capacitacion y operacionnan conhunto. Aruba ta compromete pa sigui traha man den man cu su partnernan strategico pa proteha siguridad nacional y regional, den cuadro di respet mutuo y soberania.
E reunion ta representa un paso firme den e vision di Ministerio Husticia, Integracion y Transporte Publico a pa crea un sistema di husticia mas fuerte, coordina y efectivo pa beneficio di tur ciudadano Arubano.
