---

 

 

 

 

KOMUNIKADO DI PRENSA

234/2025

15 yüni 2025

Yamada pa saka vehíkulonan for di kurá di warda na Rio Canario

Departamentu di Komunikashon i Prevenshon

 

KUERPO POLISIAL KÒRSOU

 

SIRBI I PROTEHÁ
Kuerpo Polisial ta partisipá ku entrante di djaluna 16 di yüni 2025, doñonan di vehíkulonan
ku a keda kitá dor di polis i ku ta stashoná den kura di warda di polis na Rio Canario, tin dos
siman di tempu (pues te ku 30 di yüni 2025) pa por saka esakinan.
Di vehíkulonan ku a keda transportá ku kran pa warda, e doñonan mester paga gastu di e
transporte, promé ku saka esakinan.
Unikamente outonan di kua nan dokumentunan (seguro, karchi di kùr i komprobante di
impuesto) ta na òrdu por sali koré riba propio forsa.
Vehíkulonan di kua nan dokumentunan no ta na òrdu òf no ta den estado tékniko adekuá
pa ta riba kaya, por sali solamente riba kran i bou di kondishon ku e vehíkulo aki no ta sigui
sirkulá riba kaminda públiko.
Pa saka e vehíkulo for di warda, doño di e vehikulo (prinsipalmente esnan ku no tin ningun
dokumento), mester bini ku un prueba ku e vehíkulo ta di dje.
Vehíkulonan di kua nan doño no presentá denter di e dos simannan, lo tuma medida pa ku
nan despues di konsultá ku outoridatnan kompetente.
Doño di vehíkulonan por tuma nota riba e pagina di facebook di Kuerpo Polisial Kòrsou òf
un lista na e wardanan di polis, si nan vehíkulo ta entre esnan ku bou di e kondishonnan
ariba menshoná lo wòrdu duná bèk.
Por yama of app e number di telefon 6740049 pa ms informashon.