KOMUNIKADO DI PRENSA

260/2025

26 yüni 2025

Detenshon pa un kaso di ladronisia i malversashon

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku un kaso di ladronisia i malversashon ku a tuma lugá den luna di yanüari 2025 te ku mei 2025 na un supermerkado den área di Mahaai, tim di Atrako a hasi un
detenshon.
Djárason 25 di yüni 2025 alrededor di 17.05’or, e tim a detené e hòmber R.R.R.S. di 34 aña di edat nasé na Kòrsou, pa e kaso ariba menshoná.
Su detenshon a tuma lugá na warda di reshèrshi.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.