Dos investigashon interesante a keda entregá na Ministerio di ESKD, señor Sithree van Heydoorn
[Entrega di Buki] Dos investigashon interesante a keda entregá na Ministerio di ESKD, señor Sithree van Heydoorn. Señora Melissa M.J. van der Elst-Koeiman i señora Gil-Marie J. Mercelina a reuní ku minister van Heydoorn riba e resultadonan di nan investigashon. Tambe a hasi entregá ofisial di e investigashon nan den forma di dos buki. Ámbos investigashon ta ilustrá desaroyo di lenguahe i e importansha di esaki.
Den e reunion ku minister van Heydoorn mesora e minister a splika ku e ministerio lo keda den kontakto ku nan mirando ku ta trata aki di dos profeshonal ku por sigui kontribuí na desaroyo di enseñansa. Tres rekomendashon a bin dilanti durante e reunion kual ta atenshon struktural pa lesamentu tékniko di Papiamentu, implementá “tweedetaal- instructie” trempan i sin pèrdè e Papiamentu i finalmente pa sigui investigá programanan di dos idioma pa reforsá ámbos idioma.
